{"id":2431,"date":"2024-01-18T22:00:16","date_gmt":"2024-01-18T20:00:16","guid":{"rendered":"https:\/\/escape2breathe.com\/?p=2431"},"modified":"2026-01-18T15:11:54","modified_gmt":"2026-01-18T13:11:54","slug":"2024-kgalagadi-dag-6","status":"publish","type":"post","link":"https:\/\/escape2breathe.com\/?p=2431","title":{"rendered":"2024 Kgalagadi \u2013 Dag 6"},"content":{"rendered":"

Somer in die Kgalagadi!<\/h2>\n

Lang Stories \u2013 Min Fotos!<\/h3>\n

Donderdag \u2013 18 Januarie 2024<\/h4>\n

Wat \u2018n heerlike koel nag! Die tent het vensters op drie kante gehad, ons het almal oopgezip gelos deur die nag en daar het heel nag \u2018n briesie oor ons gespoel.<\/p>\n

Vir die nagte in die kleiner kampe het ek onderneem om die ou slaappilletjie op die bedkassie te los, aangesien die kans vir nagbesoekers soveel groter was… Ek het besef ek sou enige iets van middernag af baie maklik wakker word van enige geluide… en dit was ook so…<\/p>\n

Ek het wakker geword… Ek het my ore gespits en probeer bepaal waar die geluid vandaan kom… Dit was \u2018n prrr-prrr<\/em>… Was die luiperd oppad watergat toe, by ons tent verby? Ek het \u2018n rukkie gel\u00ea en luister, maar die geluid het nie aanbeweeg nie. Ek het regop op my bed gestaan en by die tentvenster bo my kop uitgekyk, maar die nag was te donker om enige iets uit te maak… Christoff het heerlik geslaap, so ek wou hom nie pla met \u2018n flits nie.<\/p>\n

Ek het al wonderend weer teruggeklim op die bed. Op \u2018n stadium was die prrr-prrr<\/em> weer naby. Ek het regop gesit om mooi te luister… en toe swoep die prrr-prrr<\/em> by my kop verby! Die prrr-prrr<\/em> was eintlik die woerrr-woerrr<\/em> van \u2018n vl\u00earmuis in die tent.<\/p>\n

Ek het stadig teruggel\u00ea op die bed… en myself kalmeer met die gedagte dat die doom-spiraal-muskiet-bevegter vannag hulp gehad het… en dat dit ou-vrou-stories is dat \u2018n vl\u00earmuis in jou hare kan verstrengel raak…<\/p>\n

Soos dit gaan as mens in die nag wakker l\u00ea, dink mens \u2018n klomp dinge uit… Skerpioene op die vloer wat net wag dat jy \u2018n draai loop… of slange in die tent… Dit herinner my! Die opsigter het gewaarsku oor beide. Sy aanbeveling was dat ons die slaaptent se deur altyd toe hou, tensy ons in die tent is, want hulle glip in en maak hulleself iewers tuis… Het ons by sy instruksies gehou? Ek kon nie onthou nie.<\/p>\n

Ek en my blaas het dus maar bly l\u00ea… en toe die luggie meer afkoel in die vroegoggend, het ek eers my kuite versigtig oor die deken gevryf om te voel vir enige hobbels, voor ek gewaag het om onder dit in te kruip.<\/p>\n

Toe dit lig genoeg begin raak, dat ek darm kon sien of daar iets op die vloer is, het ek tippie-tone opgestaan en \u2018n draai geloop. Oppad terug bed toe het ek eers gaan loer aan die watergat se kant, maar daar was net jakkalsies by die watergat.<\/p>\n

My tippie-tone was egter nie sag genoeg nie, want toe ek omdraai, vra Christoff of daar iets by die watergat is. Net jakkalsies, s\u00ea ek, maar toe ek uitkyk om in hulle rigting te wys, sien ek die twee leeu mannetjies in die watergat se lig instap.<\/p>\n

Dit was nog te donker buite om te probeer fotos neem, maar ons het opgestaan, gaan koffie maak en met die verkyker die twee dopgehou… tot dit lig genoeg geraak het vir fotos.<\/p>\n

\"\"
Vroegoggend verrassing<\/figcaption><\/figure>\n

Ons het amper twee ure so van die stoep af saam met hulle gekuier by die watergat. Hier was die leeus by ons huis, so hoekom sou ons wou gaan rondry om te kyk of ons iets kan sien.<\/p>\n

\"\"
Beurte by die watergat<\/figcaption><\/figure>\n
\"\"
Drink ‘n bietjie, l\u00ea ‘n bietjie<\/figcaption><\/figure>\n

Die jakkalsies het verder weg in die rivierloop bly rondhang, maar dit nie weer nader aan die watergat gewaag nie.<\/p>\n

\"\"
Jakkals-bende<\/figcaption><\/figure>\n

Daar was \u2018n bok of twee wat ook in die rivierloop aangekom het, maar die oomblik as hulle die twee menere gewaar het, het hulle vasgesteek. Van hulle het dadelik begin wegstap en ander het rondgehang, in die hoop dat die twee leeus die wyk sou neem.<\/p>\n

\"\"
Op die buitewyke<\/figcaption><\/figure>\n

Christoff het homself tuisgemaak op \u2018n stoel en met die v\u00earkyker die omgewing bekyk. Die twee leeus het op \u2018n stadium agter koelte begin aanskuif… eers in die rivierloop en toe teen die wal uit… Soos die son ho\u00ebr geklim het, het hulle koelte kolle ook al hoe kleiner geraak en dan het hulle weer geskuif.<\/p>\n

\"\"
Lang been v\u00ear kyker<\/figcaption><\/figure>\n
\"\"
Die toneel waaraan hy hom verkyk het<\/figcaption><\/figure>\n

In al die tyd wat ons hulle dopgehou het en hulle al teen die rivierwal wegbeweeg het, het die ander diere dit steeds nie nader aan die watergat gewaag nie. Behalwe natuurlik vir \u2018n skilpad… Die leeus het nie baie v\u00ear weg beweeg nie, maar hulle smelt so weg in die omgewing, dat as mens nie geweet het waar hulle was nie, sou mens hulle nie gewaar het nie.<\/p>\n

\"\"
Rooi is die ligging van die leeus… en geel die skilpad<\/figcaption><\/figure>\n

Dit was egter tyd om op te pak, na \u2018n wonderlike eerste ervaring in die Kalahari Tented Camp<\/em>. Ons het alles weer in Winston gelaai, maar besluit ons gaan kyk of ons die luiperd by die swembad kan gewaar… Ons het al om die swembaddek gery… en daar gewaar ons ‘n beweging… Hy het agter balkies ingekruip \u2013 wat seker juis opgesit was om diere tussen die twee mure van die gebou uit te hou. Hy het baie sleg gelyk, van wat ons kon sien. Baie verwaarloos. Verseker nie \u2018n gesonde luiperd nie… en verseker nie hoe ons ons eerste luiperdfoto wou neem nie.<\/p>\n

\"\"
Skuilende luiperd<\/figcaption><\/figure>\n

Ons het kort voor uitteken-tyd uitgery by die kamp en stadig-stadig afgery teen die Auob. Ons was nie lus vir wye draaie, na gister se WYE draai, nie. Ons is by Craig Lockhart in en uit \u2013 geen ander dierelewe nie. Met ons stadige ryery het ek darm die plantlewe mooi bekyk en gestop om een van die plante af te neem \u2013 pragtige fyn blommetjies in die andersins dor w\u00eareld. En volop! Want hulle is uiters giftig vir die diere. Baie gepaste naam – Gifbol!<\/p>\n

\"\"
Gifbol langs die pad<\/figcaption><\/figure>\n

By Dalkeith was daar ook nie veel te sien nie en ons besluit toe om terug te draai Mata-Mata toe. Ons wou \u2018n kans vat en kyk of ons vroe\u00ebr kon inboek vir ons bespreking in een van die Riverfront Chalets<\/em>… Maar by Mata-Mata is hulle net so streng soos by Twee Rivieren, so ons moes maar wag tot die klok twee uur slaan.<\/p>\n

Ons het Winston se maag gaan volmaak en langs die heining, onder \u2018n boom gaan uitkamp, totdat ons die sleutel kon kry. Ons het ons kampstoeltjies uitgepak en elkeen met \u2018n koue bier\/savanna in die hand, onsself tuisgemaak. Daar het niks voor ons in die rivierloop aangegaan nie. Daar was egter herinneringe om op terug te val.<\/p>\n

Toe ons in 2015 vir die eerste keer in die Kgalagadi was, het ons \u2018n ongelooflike ervaring by Mata-Mata se watergat gehad. Die leeus was bedrywig by die watergat en het opgestap na die huisies langs die rivier. Die mense moes hulle met spreiligte (en \u2018n gebulder) wegjaag. (Kyk gerus hier na daardie belewenis: 2015 Kgalagadi – Dag 5 – Mata Mata leeus<\/a> – daar is ook ‘n skakel\u00a0na ‘n Youtube<\/em><\/a> video wat iemand geneem het.) Sou ons iets soortgelyk ervaar vanaand? Sekerlik nie! Ons het dan met leeus voor ons huisie wakker geword vanoggend.<\/p>\n

Ons was baie dankbaar toe ons die sleutel kon kry en ons het haastig ons intrek geneem. Die Riverfront Chalets<\/em> is baie mooi uiteengesit, met \u2018n lieflike stoep en braaiplek wat uitkyk oor die rivierloop en watergat.<\/p>\n

Ons het egter eers gaan ontspan onder die lugversorger in die kamer vir \u2018n heerlike, koel middagslapie. Toe ons daar opstaan was ons glad nie lus vir rondry nie en het ons gaan uitspan op die stoep…<\/p>\n

Toe die son lang skaduwees begin gooi, het daar \u2018n jakkalsie by die heining rondom die huisie kom snuffel. Net ter verduideliking. Die kamer en sitkamer loop uit op die stoep en daar is \u2018n elektriese heining onder rondom die huisie- en stoepmuur. Dit hou verseker die klein snuffelende knapies weg, maar ek dink die leeus van 2015 sou redelik maklik tot op die stoep kon kom.<\/p>\n

\"\"
Snuffelende jakkals by die huisie<\/figcaption><\/figure>\n

Ons het vuur aangesteek en gestaar oor die rivierloop… hier was ons al weer langs die Auob… Ons huisie was tussen die twee watergate, maar nader aan die een wat van die kampplek ook sigbaar is.<\/p>\n

\"\"
Nou gaan ons braai – in die Auob<\/figcaption><\/figure>\n

Na \u2018n lekker stukkie braaivleis, met \u2018n groentetjie, het ons in die skemer op die stoep bly sit… En daar stap \u2018n leeumannetjie uit die bos en bekyk die watergat. Hy het versigtig nader gegaan, want die kampeerplek se geluide was duidelik steurend vir hom… Die volgende oomblik stap \u2018n tweede leeumannetjie in die watergat se lig in. Dit was dieselfde twee leeumannetjies van die oggend! Weer met \u2018n klompie jakkalse wat in die omgewing rondgehang het. Seker hoopvol vir \u2018n oorskiet-happie as die menere tot jag sou kom.<\/p>\n

Die leeus \u2013 en jakkalse \u2013 het egter nie lank vertoef nie. Die geluide vanuit die kampeerplek het hulle duidelik ongemaklik gehad… Maar ons het ons dag begin EN ge\u00ebindig met leeus! Hoe gelukkig was ons!<\/p>\n

Vir meer gebeure, loer gerus na die ander dae se plasings\u00a0van die\u00a0inleiding<\/a> af of blaai hier na die volgende<\/a> dag.\u00a0<\/em><\/p>\n","protected":false},"excerpt":{"rendered":"

Somer in die Kgalagadi! Lang Stories \u2013 Min Fotos! Donderdag \u2013 18 Januarie 2024 Wat \u2018n heerlike koel nag! Die tent het vensters op drie kante gehad, ons het almal oopgezip gelos deur die nag en daar het heel nag \u2018n briesie oor ons gespoel. Vir die nagte in die kleiner kampe het ek onderneem…<\/p>\n","protected":false},"author":3,"featured_media":0,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[4],"tags":[95,177,57,176,2,49,178,17],"class_list":["post-2431","post","type-post","status-publish","format-standard","hentry","category-afrikaans","tag-auob-rivier","tag-gifbol","tag-jakkals","tag-kalahari-tented-camp","tag-kgalagadi","tag-leeus","tag-luiperd","tag-mata-mata"],"_links":{"self":[{"href":"https:\/\/escape2breathe.com\/index.php?rest_route=\/wp\/v2\/posts\/2431","targetHints":{"allow":["GET"]}}],"collection":[{"href":"https:\/\/escape2breathe.com\/index.php?rest_route=\/wp\/v2\/posts"}],"about":[{"href":"https:\/\/escape2breathe.com\/index.php?rest_route=\/wp\/v2\/types\/post"}],"author":[{"embeddable":true,"href":"https:\/\/escape2breathe.com\/index.php?rest_route=\/wp\/v2\/users\/3"}],"replies":[{"embeddable":true,"href":"https:\/\/escape2breathe.com\/index.php?rest_route=%2Fwp%2Fv2%2Fcomments&post=2431"}],"version-history":[{"count":7,"href":"https:\/\/escape2breathe.com\/index.php?rest_route=\/wp\/v2\/posts\/2431\/revisions"}],"predecessor-version":[{"id":2788,"href":"https:\/\/escape2breathe.com\/index.php?rest_route=\/wp\/v2\/posts\/2431\/revisions\/2788"}],"wp:attachment":[{"href":"https:\/\/escape2breathe.com\/index.php?rest_route=%2Fwp%2Fv2%2Fmedia&parent=2431"}],"wp:term":[{"taxonomy":"category","embeddable":true,"href":"https:\/\/escape2breathe.com\/index.php?rest_route=%2Fwp%2Fv2%2Fcategories&post=2431"},{"taxonomy":"post_tag","embeddable":true,"href":"https:\/\/escape2breathe.com\/index.php?rest_route=%2Fwp%2Fv2%2Ftags&post=2431"}],"curies":[{"name":"wp","href":"https:\/\/api.w.org\/{rel}","templated":true}]}}