{"id":2681,"date":"2024-01-21T22:00:26","date_gmt":"2024-01-21T20:00:26","guid":{"rendered":"https:\/\/escape2breathe.com\/?p=2681"},"modified":"2026-01-18T15:13:36","modified_gmt":"2026-01-18T13:13:36","slug":"2024-kgalagadi-dag-9","status":"publish","type":"post","link":"https:\/\/escape2breathe.com\/?p=2681","title":{"rendered":"2024 Kgalagadi \u2013 Dag 9"},"content":{"rendered":"

Somer in die Kgalagadi!<\/h2>\n

Leeus by Bitterpan!<\/h3>\n

Sondag \u2013 21 Januarie 2024<\/h4>\n

Dit was weer \u2018n wildernis kamp, dus geen slaappilletjie… Die gevolg was dat heelwat naggeluide gesorg het vir \u2018n rustelose nag… Maar geen leeus wat gebrul het, of uile se hoot-hoot nie. Dit was meer die geritsel van jakkalsies en ander kleinerige diertjies.<\/p>\n

Met die inkruipslag was dit nog redelik warm, maar dit het later so afgekoel dat ek onder die laken ingeklim het. Kort voor 5h het ons beurte gemaak om badkamer toe te gaan. Dit was nog donker, so ons het om die deure geloer en op en af in die gangetjie om seker te maak dat geen katvoet-besoekers ons ingewag het nie.<\/p>\n

Ons was skaars terug in die bed, toe die bure se wekker lui. Hulle moes terug Mata-Mata toe en nog deur die grens in Namibia na iewers. Ek het maar gel\u00ea en luister hoe hulle tasse aandra en bagasie in die huur-bakkie inpak… en pad vat.<\/p>\n

Koffie-maak-tyd het Christoff begin karring aan die klein gasstofie en toe ek uitkyk buitentoe, is daar \u2018n leeu by die watergat! Hy was gelukkig meer gepla met die goggatjies op die water, as wat hy aandag aan ons gegee het.<\/p>\n

\"\"
Speel-speel met die water, soos ‘n huiskat<\/figcaption><\/figure>\n

Terwyl die leeu se aandag op die watergat was, het ons vinnig die omgewing bekyk… en gewaar toe die tweede leeu wat ons dophou…<\/p>\n

\"\"
Geen twyfel dat ons gewaar was nie<\/figcaption><\/figure>\n

Ons het bespiegel of ons die ander huisie se mense moes probeer wakker maak, maar nadat daai tweede leeu BAIE duidelik ons gewaar het, het ons ons bewegings en geluide beperk.<\/p>\n

Daar was egter iets wat die leeus se aandag getrek het, aan die anderkant van die kamp \u2013 aan die slapende bure se kant.<\/p>\n

\"\"
Jong mannetjie kyk op – en wys vir ons sy jong-leeu-maanhare<\/figcaption><\/figure>\n

Die tweede leeu het by die eerste een kom aansluit om water te drink, maar het steeds onrustig bly rondkyk na die duine rondom die pan. Die een was duidelik \u2018n mannetjie, maar ons was nie seker oor die tweede een nie.<\/p>\n

\"\"
Drink, maar hou ook die omgewing dop<\/figcaption><\/figure>\n

Hulle het bietjie water gedrink en begin aan beweeg \u2013 hulle was nie van plan om by die watergat rond te hang nie. Ek kon nie dink dat dit die leeus se onrustigheid as gevolg van die mense was nie… Daar was beslis ander leeus in die omgewing, te oordeel aan die troppie leeus wat ons die vorige dag te\u00ebgekom het.<\/p>\n

Die jong mannetjie het eerste op beweeg na die noordooste kant van die kamp om langs die huisies verby te gaan. Hy het by die heining (braaier) op die punt vasgesteek en teruggekyk, maar toe verder gestap.<\/p>\n

\"\"
Laat mens voel die heining is bietjie laag…<\/figcaption><\/figure>\n

Die tweede leeu het in die eerste een se spore gevolg en ons het dit gewaag om met die gangetjie na die ander kamers toe te loop en te kyk of ons nog \u2018n laaste foto kon neem… maar buiten vir die spore reg langs die huisie af, was die leeus glad nie meer in sig nie… Ses minute van die eerste foto tot die laaste een. As ons net bietjie later gel\u00ea het, het ons hulle gemis.<\/p>\n

Die ander mense het \u2018n paar tellings later wakker geword en uitgekom oppad badkamer toe, baie verbaas dat ons daar by hulle kamers rondgehang het. Toe hulle uitvind wat die rede was, was hulle baie ongelukkig omdat ons hulle nie wakker gemaak het nie… Kyk, die keuse om die bure te laat deel in die waarneming van ons leeu-besoekers, teenoor een van daai leeus wat besluit om oor die lae heiningtjie te spring en te kom kyk wie maak lawaai, is nie regtig \u2018n keuse nie. Leeus een, mede-kampers nul.<\/p>\n

Aangesien ek ingery het Bitterpan toe, was dit Christoff se beurt om die pad terug Nossob toe aan te pak en omdat ons nie weer Mata-Mata toe sou gaan nie, het ons die uitdraai Moravet toe gevat, wat ons halfpad in die boonste duinepad sou besorg.<\/p>\n

\"\"
Wegdraai na Moravet<\/figcaption><\/figure>\n

Daar was \u2018n paar valkies in die boomtoppe, maar ek het ook Christoff \u2018n keer of wat laat stop om van die lieflike grasse af te neem.<\/p>\n

\"\"
Valkies in die vroegoggend lug<\/figcaption><\/figure>\n
\"\"
Blinkaar boesmangras (duinriet) se pragtige pluime<\/figcaption><\/figure>\n

Die pad bring mens met so draai om die Moravet watergat, terug in die boonste duinepad… Daar was egter geen lewe by die watergat nie. Eland watergat was ook verlate, met geen teken van lewe tussenin nie. Kort voor die aansluiting in die Nossob, was daar \u2018n paar rooihartbeeste, met kleintjies.<\/p>\n

Die kleintjies was eers weggesteek agter die volwassenes, maar die nuuskierigheid het natuurlik oorgeneem by een van hulle.<\/p>\n

\"\"
Nuuskierige rooihartbesie<\/figcaption><\/figure>\n

By Dikbaardskolk stop ons sommer by die eerste piekniekplek. Ons was nog besig om ons eetgoed uit te pak, toe die man van die aangrensende staanplek aangestap kom. Hy wou ons maar net inlig dat daar \u2018n pofadder, in die holte van ons skadu-gewer se stam, l\u00eaplek gekry het. Sy flits is ingespan om te bevestig dat dit wel die geval was… En o ja, die struike by die boonste piekniekplek, huisves ook \u2018n pofadder. Hulle is blykbaar al \u2018n paar dae daar…<\/p>\n

Dis ook maar goed ek het dit nie \u2018n paar dae gelede geweet, toe ek so lekker op my stert gaan sit het, kort voor daai einste struik, om die duwweltjie-blommetjies af te neem nie. Daardie foto sou nooit geneem gewees het nie… En waar ons nou gestaan het, het ek maar net gesorg dat die tafeltjie tussen my en die boom bly…<\/p>\n

Daar was \u2018n hele klomp gemsbokke by Dikbaardskolk se watergat. Cheleka was leeg, buiten vir \u2018n volstruispaar met kleintjies, in die verte. Kaspersdraai was ook verlate.<\/p>\n

Ons ry meestal die draai na Marie se Gat toe en hierdie keer was nie \u2018n uitsondering nie. By die watergat was \u2018n paar gemsbokke aan die wei en drink in die staan-water, tussen die wit skoenlappers deur.<\/p>\n

\"\"
Gemsbokke by Marie se Gat<\/figcaption><\/figure>\n

Nadat ons die leeuwyfie uit die duin sien kom het in 2018 (sien Dag 4 vir die besondere fotos<\/a>), kan ek nie help om net die duine oorkant die watergat ook deur te kyk nie. Ons het met die aankom-slag wel die oorkantste duin bekyk, maar die gemsbokke by die watergat was heeltemal te rustig vir enige roofdiere in die omgewing.<\/p>\n

Met die wegtrek loer ek egter by die venster uit en siedaar! \u2018n Leeuwyfie het agter ons verbygestap en was oppad teen die duin uit. As ek \u2018n minuut langer op die gemsbokke gefokus het, het ons haar gemis… maar die gemsbokke was blykbaar ook nie gepla deur haar teenwoordigheid nie.<\/p>\n

\"\"
Leeuwyfie wat agter ons verbygestap het<\/figcaption><\/figure>\n

Ons het probeer kyk of ons \u2018n beter foto van haar kon kry, maar die struike langs die pad was net te hoog. Ons het vorentoe gery en dan weer agteruit gery, vir \u2018n moontlike beter plek om deur te korrel. Buiten dat sy agter die plantegroei langs die pad was, was sy seker \u2018n goeie 40m van die pad af, maar sy het ook geweet ons is op soek na haar.<\/p>\n

\"\"
Beste wat ek kon doen om haar weer af te neem<\/figcaption><\/figure>\n

Ons gekorrel deur die struike, het \u2018n VW bussie langs ons laat stop, om uit te vind wat ons sien. Hy was ho\u00ebr as Winston en het dalk \u2018n beter kans gehad om die wyfie te siene te kry. Die bussie was nogal iets om te sien, met die kamoeflering-patroon geverf, en die man agter die stuurwiel \u2018n karakter. Ons het hom sommer \u201cShaggy the Van Man\u201d gedoop. Hy het vir 10 dae op sy eie in die Kgalagadi kom rondkuier. Sy vorige besoek was \u2018n maand! Hoe jaloers was ons!?<\/p>\n

Ons het by Rooikop ingery, maar daar was nie wild by die watergat nie. Daar was wel \u2018n edelvalkie op \u2018n tak.<\/p>\n

\"\"
Edelvalkie by Rooikop<\/figcaption><\/figure>\n

Die personeel by Nossob was baie gaaf. Hulle het ons toegelaat om vroe\u00ebr ons intrek te neem. Ons het onsself bederf met \u2018n nag in die Nossob rivier huisies en ons s\u2019n was gelukkig reeds beskikbaar. Ons het Winston bietjie weer onder die afdak ingetrek en gaan nesskrop in die huisie… Gelukkig neem dit nie baie lank nie, so ons kon redelik vinnig gaan omkeer vir \u2018n middagslapie onder die heerlike koel lugversorging.<\/p>\n

\"\"
Nossob Rivier Chalet<\/figcaption><\/figure>\n

Na ons middagslapie het ons vinnig \u2018n draai by die winkel gaan maak. Ons het \u2018n paar kledingstukke gaan ingee vir die wasgoed-diens wat die park aanbied en verduidelik dat ons dit twee dae later eers sal kom kry, aangesien ons die volgende nag in Gharagab gaan wees. Oppad uit die winkel, keer \u2018n ander gas ons voor, wat die wasgoed-afhaal-verduideliking gehoor het. Hy vertel hoe ongelooflik sy ervaring by Gharagab was met \u2018n leeuwyfie wat vir hom sit en kyk het terwyl hy sy kar gepak het om te ry. Die einste leeuwyfie het blykbaar die uitkyk-toring ook uitgeklim.<\/p>\n

Dit het ons met groot opgewondenheid laat uitsien na die volgende ervaring wat ons ingewag het.<\/p>\n

Maar eers het ons gaan uitspan in die koel huisie \u2013 wat ook DSTV het… en waarop kom ons af? DDP (Dricus Du Plessis) se geveg teen Strickland. Daar sit ons in die middel van die Kgalagadi en kyk UFC.<\/p>\n

Nadat die geveg verby was, het ons ons intrek op die stoepie gaan neem en ons vuurtjie aangesteek, terwyl \u2018n eensame jakkalsie in die rivierloop by die huisie kom rondsnuffel het.<\/p>\n

\"\"
Knetterende vuurtjie op die gesellige stoepie<\/figcaption><\/figure>\n
\"\"
Ons – en die Nossob<\/figcaption><\/figure>\n

Buiten vir die jakkalsie, was daar geen ander sigbare lewe in die Nossob nie en ons het ons reggemaak vir \u2018n vroeg-inkruip, voor \u2018n langerige dag op die pad wat wag.<\/p>\n

Hier is nog \u2018n paar fotos van die dag:<\/strong><\/p>\n

\"\"
Spelerige Bitterpan leeu<\/figcaption><\/figure>\n
\"\"
Bitterpan leeumannetjie<\/figcaption><\/figure>\n
\"\"
Beide Bitterpan leeus aan die drink<\/figcaption><\/figure>\n
\"\"
Bitterpan leeumannetjie oppad na die kant van die huisies<\/figcaption><\/figure>\n
\"\"
Bitterpan leeumannetjie in die son wat opkom<\/figcaption><\/figure>\n
\"\"
Gemsbokke en skoenlappers by Marie se Gat<\/figcaption><\/figure>\n
\"\"
Rooikop se edelvalkie<\/figcaption><\/figure>\n

Vir meer gebeure, loer gerus na die ander dae se plasings\u00a0van die\u00a0inleiding<\/a> af of blaai hier na die volgende<\/a> dag.\u00a0<\/em><\/p>\n","protected":false},"excerpt":{"rendered":"

Somer in die Kgalagadi! Leeus by Bitterpan! Sondag \u2013 21 Januarie 2024 Dit was weer \u2018n wildernis kamp, dus geen slaappilletjie… Die gevolg was dat heelwat naggeluide gesorg het vir \u2018n rustelose nag… Maar geen leeus wat gebrul het, of uile se hoot-hoot nie. Dit was meer die geritsel van jakkalsies en ander kleinerige diertjies.…<\/p>\n","protected":false},"author":3,"featured_media":0,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[4],"tags":[45,29,181,141,2,49,39,30,143],"class_list":["post-2681","post","type-post","status-publish","format-standard","hentry","category-afrikaans","tag-bitterpan","tag-dikbaardskolk","tag-gemsbok","tag-jimny","tag-kgalagadi","tag-leeus","tag-marie-se-gat","tag-nossob","tag-winston"],"_links":{"self":[{"href":"https:\/\/escape2breathe.com\/index.php?rest_route=\/wp\/v2\/posts\/2681","targetHints":{"allow":["GET"]}}],"collection":[{"href":"https:\/\/escape2breathe.com\/index.php?rest_route=\/wp\/v2\/posts"}],"about":[{"href":"https:\/\/escape2breathe.com\/index.php?rest_route=\/wp\/v2\/types\/post"}],"author":[{"embeddable":true,"href":"https:\/\/escape2breathe.com\/index.php?rest_route=\/wp\/v2\/users\/3"}],"replies":[{"embeddable":true,"href":"https:\/\/escape2breathe.com\/index.php?rest_route=%2Fwp%2Fv2%2Fcomments&post=2681"}],"version-history":[{"count":5,"href":"https:\/\/escape2breathe.com\/index.php?rest_route=\/wp\/v2\/posts\/2681\/revisions"}],"predecessor-version":[{"id":2793,"href":"https:\/\/escape2breathe.com\/index.php?rest_route=\/wp\/v2\/posts\/2681\/revisions\/2793"}],"wp:attachment":[{"href":"https:\/\/escape2breathe.com\/index.php?rest_route=%2Fwp%2Fv2%2Fmedia&parent=2681"}],"wp:term":[{"taxonomy":"category","embeddable":true,"href":"https:\/\/escape2breathe.com\/index.php?rest_route=%2Fwp%2Fv2%2Fcategories&post=2681"},{"taxonomy":"post_tag","embeddable":true,"href":"https:\/\/escape2breathe.com\/index.php?rest_route=%2Fwp%2Fv2%2Ftags&post=2681"}],"curies":[{"name":"wp","href":"https:\/\/api.w.org\/{rel}","templated":true}]}}